ಕೀಬೋರ್ಡ್ ಶಾರ್ಟ್‌ ಕಟ್ಸ್: ಮೌಸ್ ಮುಟ್ಟದವನೇ ರಿಯಲ್ ಡಾನ್!

ಲೋ ಮಗಾ, ನೀನ್ಯಾರಾದರೂ ಪ್ರೊಫೆಷನಲ್ ಪ್ರೋಗ್ರಾಮರ್ ಕೆಲಸ ಮಾಡೋದನ್ನ ಹತ್ತಿರದಿಂದ ನೋಡಿದ್ದೀಯಾ? ಅವರ ಬೆರಳುಗಳು ಕೀಬೋರ್ಡ್ ಮೇಲೆ ಒಂತರಾ ಮ್ಯಾಜಿಕ್ ಮಾಡಿದ ಹಾಗೆ ಓಡುತ್ತಿರುತ್ತವೆ. ಸ್ಕ್ರೀನ್ ಮೇ ಲೆ ವಿಂಡೋಗಳು ಪಟಪಟ ಅಂತ ಬದಲಾಗುತ್ತಿರುತ್ತವೆ, ಕೋಡ್ ಎಡಿಟ್ ಆಗುತ್ತಿರುತ್ತೆ, ಆದ್ರೆ ಅವರು ಮೌಸ್ ಮಾತ್ರ ಮುಟ್ಟೋದೇ ಇಲ್ಲ. ನಿನಗೆ ಅವಾಗ ಅನಿಸಬಹುದು, ಅಬ್ಬಾ ಇವರೇನು ಹ್ಯಾಕರ್ ಇರಬೇಕು ಅಥವಾ ಇವರಿಗೆ ಏನೋ ಸಿದ್ಧಿ ಸಿಕ್ಕಿದೆ ಅಂತ. ಆದ್ರೆ ಮಗಾ, ಅಸಲಿ ಸತ್ಯ
ಏನೆಂದರೆ ಅವರು ಕೀಬೋರ್ಡ್ ಶಾರ್ಟ್‌ ಕಟ್ಸ್ ಎಂಬ ಬ್ರಹ್ಮಾ ಸ್ತ್ರವನ್ನ ಕರಗತ ಮಾಡಿಕೊಂಡಿರುತ್ತಾರೆ. ನೀ ನು ಕೂಡ ಸಾಫ್ಟ್ವೇರ್ ಲೋಕದ ರಿಯಲ್ ಡಾನ್ ಆಗ್ಬೇಕು ಅಂದ್ರೆ ಮೊದಲು ಮೌಸ್ ಮೇ ಲಿರೋ ನಿನ್ನ ಅವಲಂಬನೆಯನ್ನ ಕಡಿಮೆ ಮಾಡಬೇಕು.
ನಮ್ಮಲ್ಲಿ ಬಹಳಷ್ಟು ಜನಕ್ಕೆ ಗೊತ್ತಿರೋದು ಬರಿ Ctrl+C ಮತ್ತು Ctrl+V ಮಾತ್ರ.

ಲವ್ ಲೆಟರ್ ಇಂದ ಹಿಡಿದು ಕಾಲೇಜ್ ಅಸೈನ್ಮೆಂಟ್ವರೆಗೂ ನಾವು ಇದನ್ನೇ ಬಳಸಿಕೊಂಡು ಬಂದಿದ್ದೇವೆ. ಆದ್ರೆ ಕೋ ಡಿಂಗ್ ಪ್ರಪಂಚದಲ್ಲಿ ಇದಕ್ಕಿಂತ ದೊಡ್ಡ
ಲೋಕವೇ ಇದೆ. ಈಗ ನೀನು ಯಾವುದೋ ಒಂದು ಫೈಲ್ನಲ್ಲಿ ಕೋಡ್ ಬರೆಯುತ್ತಿದ್ದೀಯಾ ಅಂದುಕೋ , ಇದ್ದಕ್ಕಿದ್ದಂತೆ ನಿನಗೆ ಇನ್ನೊಂದು ಫೈಲ್ ಅಥವಾ ಬ್ರೌಸರ್ ನೋ ಡಬೇಕು ಅನಿಸಿದರೆ ತಕ್ಷಣ ಮೌಸ್ ಹುಡುಕಿಕೊಂಡು ಹೋಗ್ಬೇಡ. ಬರಿ Alt+Tab ಒತ್ತಿದರೆ ಸಾಕು, ನೀನು ಸೆಕೆಂಡ್ಗಳಲ್ಲಿ ಬೇರೆ ವಿಂಡೋಗೆ ಜಿಗಿಯಬಹುದು. ಇದು ನಿನ್ನ ಕೆಲಸದ ಸ್ಪೀಡ್ ಅನ್ನು ಹತ್ತು ಪಟ್ಟು ಹೆಚ್ಚಿಸುತ್ತೆ ಅಂದ್ರೆ ನಂಬ್ತೀಯಾ? ವಿಷುಯಲ್ ಸ್ಟುಡಿಯೋ ಕೋಡ್ (VS Code) ಬಳಸುವಾಗಲಂತೂ ಶಾರ್ಟ್‌ ಕಟ್ಸ್ಗಳದ್ದೇ ಹವಾ. ಈಗ ನಿನಗೆ ಒಂದು ಲೈನ್ ಅನ್ನು ಕಾಪಿ ಮಾಡಿ ಕೆಳಗೆ ಹಾಕಬೇಕು ಅಂದ್ರೆ ನಾವು ಏನು ಮಾಡ್ತೀವಿ? ಮೌಸ್ ಇಂದ ಸೆಲೆಕ್ಟ್ ಮಾಡಿ, ಕಾಪಿ ಮಾಡಿ ಆಮೇಲೆ ಪೇಸ್ಟ್ ಮಾಡ್ತೀವಿ. ಆದ್ರೆ ಸ್ಮಾರ್ಟ್ ಹುಡುಗರು Alt+Shift+Down ಬಟನ್ ಒತ್ತುತ್ತಾರೆ, ಕ್ಷಣಾರ್ಧದಲ್ಲಿ ಆ ಲೈ ನ್ ಡ್ಯೂಪ್ಲಿಕೇಟ್ ಆಗುತ್ತೆ. ಹಾಗೆಯೇ ಯಾವುದಾದರೂ ಲೈನ್ ಬೇಡ ಅಂದ್ರೆ Ctrl+Shift+K ಒತ್ತಿದರೆ ಸಾಕು, ಅದು ಡಿಲೀಟ್ ಆಗಿಬಿಡುತ್ತೆ. ಇಂತಹ ಸಣ್ಣಪುಟ್ಟ ಟ್ರಿಕ್ಸ್ ನಿನ್ನನ್ನ ಒಬ್ಬ ಎಕ್ಸ್ ಪರ್ಟ್ ಡೆವಲಪರ್ ತರಹ ಬಿಂಬಿಸುತ್ತವೆ.
ಟೈಪಿಂಗ್ ಸ್ಪೀಡ್ ಅನ್ನೋದು ಬರಿ ವಾಟ್ಸಾ ಪ್ ಚಾಟ್ ಮಾಡೋಕೆ ಮಾತ್ರವಲ್ಲ, ಒಬ್ಬ ಒಳ್ಳೆ ಎಂಜಿನಿಯರ್ ಆಗೋಕು ಬೇಕು. ನಿನಗೆ ಒಂದು ಅದ್ಭು ತವಾದ ಲಾಜಿಕ್ ತಲೆಯಲ್ಲಿ ಹೊಳೆದಿರುತ್ತೆ ಅಂದುಕೋ , ಆದ್ರೆ ನಿನ್ನ ಟೈಪಿಂಗ್ ಸ್ಪೀಡ್ ಆಮೆ ಗತಿಯಲ್ಲಿ ಇದ್ದರೆ ಆ ಐಡಿಯಾ ಮರೆತು ಹೋಗೋ ಚಾನ್ಸ್ ಇರುತ್ತೆ. ನಿನ್ನ ಮೆದುಳಿನ ವೇಗಕ್ಕೆ ತಕ್ಕಂತೆ ನಿನ್ನ ಬೆರಳುಗಳು ಕೀಬೋರ್ಡ್ ಮೇ ಲೆ ಓಡಬೇಕು. ಹಾಗಾಗಿ ದಿನಕ್ಕೆ ಹತ್ತು ನಿಮಿಷ ಟೈಪಿಂಗ್ ಪ್ರಾಕ್ಟೀಸ್ ಮಾಡೋದನ್ನ
ರೂಢಿಸಿಕೊಳ್ಳಿ. ಕೀಬೋರ್ಡ್ ನೋಡದೆ ಟೈ ಪ್ ಮಾಡೋದನ್ನ ಕಲಿಯೋದು ನಿನ್ನ ಕೆರಿಯರ್ ನ ಮೊದಲ ಗೆಲುವು.
ಹ್ಯಾಕರ್ ತರಹ ಫೀಲ್ ಬರಬೇಕು ಅಂದ್ರೆ ನೀ ನು ಟರ್ಮಿನಲ್ ಅಥವಾ ಕಮಾಂಡ್ ಪ್ರಾಂಪ್ಟ್ ಬಳಸೋದನ್ನ ಕಲಿಯಲೇಬೇಕು. ಕಪ್ಪು ಸ್ಕ್ರೀನ್ ನ ಮೇಲೆ ಗ್ರೀನ್ ಕಲರ್ ಅಕ್ಷರಗಳು ಬರ್ತಾ ಇದ್ರೆ ಅಕ್ಕಪಕ್ಕದ ಮನೆಯವರಿಗೆ ನೀ ನು ಯಾವುದೋ ದೊಡ್ಡಸೈ ಬರ್ ಕ್ರೈಂ
ಮಾಡ್ತಿದ್ದೀಯಾ ಅನ್ೋ ಫೀಲ್ ಬರುತ್ತೆ. ಅಲ್ಲಿ ಫೋಲ್ಡರ್ ಕ್ರಿಯೇಟ್ ಮಾಡೋಕೆ ಮೌಸ್ ಇಂದ ರೈಟ್ ಕ್ಲಿಕ್ ಮಾಡೋ ಬದಲು ಬರಿ 'mkdir folder_name' ಅಂತ ಟೈಪ್ ಮಾಡಿದ್ರೆ ಸಾಕು. ಮೌಸ್ ಬಳಸೋದನ್ನ ಬಿಟ್ಟು ಕಮಾಂಡ್ ಮೂಲಕ ಕಂಪ್ಯೂಟರ್ ಗೆ
ಆರ್ಡರ್ ಕೊಡೋ ಮಜವೇ ಬೇರೆ. ಆ ಗತ್ತೇ ಬೇರೆ.
Ctrl+D ಅನ್ನೋದು ಪ್ರೋಗ್ರಾಮರ್ಗಳ ಫೇ ವರಿಟ್ ಶಾರ್ಟ್‌ ಕಟ್. ಒಂದೇ ಹೆಸರಿರೋ ಹತ್ತು ಪದಗಳನ್ನ ನೀನು ಬದಲಾಯಿಸಬೇಕು ಅಂದ್ರೆ ಒಂದೊಂದಾಗಿ ಹುಡುಕುತ್ತಾ ಕೂರಬೇಡ. ಮೊದಲನೇ ಪದದ ಮೇಲೆ ಕರ್ಸರ್ ಇಟ್ಟು Ctrl+D ಒತ್ತುತ್ತಾ ಹೋದರೆ ಆ ಫೈಲ್ನಲ್ಲಿರೋ ಅದೇ ಪದಗಳೆಲ್ಲಾ ಸೆಲೆಕ್ಟ್ ಆಗ್ತಾ ಹೋಗುತ್ತವೆ. ಆಮೇಲೆ ನೀನು ಏನು ಟೈಪ್ ಮಾಡಿದ್ರೂ ಹತ್ತೂ ಕಡೆ ಒಟ್ಟಿಗೆ ಚೇಂಜ್ ಆಗುತ್ತೆ. ಇದನ್ನ ನೋಡಿದ ನಿನ್ನ ಫ್ರೆಂಡ್ಸ್ ಗೆ ನೀನೇನೋ ದೊಡ್ಡಮಾಟ ಮಂತ್ರ ಮಾಡ್ತಿದ್ದೀಯಾ ಅನ್ಸೋದು ಗ್ಯಾರಂಟಿ. ಇದನ್ನೇ ಮಲ್ಟಿ-ಕರ್ಸರ್ ಮ್ಯಾಜಿಕ್ ಅಂತ ಕರೆಯೋದು. ಬ್ರೌಸರ್ನಲ್ಲಿ ಕೆಲಸ ಮಾಡುವಾಗ ಕೂಡ ಮೌಸ್ ಮುಟ್ಟೋದನ್ನ ಕಡಿಮೆ ಮಾಡಿ. Ctrl+L ಒತ್ತಿದರೆ ಸಾಕು ಯುಆರ್ ಎಲ್ ಬಾರ್ಗೆ ಕರ್ಸರ್ ಹೋಗುತ್ತೆ, Ctrl+T ಒತ್ತಿದರೆ ಹೊಸ ಟ್ಯಾಬ್ ಓಪನ್ ಆಗುತ್ತೆ. ಆಕಸ್ಮಿಕವಾಗಿ ಯಾವುದೋ ಮುಖ್ಯವಾದ ಟ್ಯಾಬ್ ಕ್ಲೋಸ್ ಮಾಡಿದರೆ ಗಾಬರಿ ಆಗಬೇ ಡಿ, Ctrl+Shift+T ಒತ್ತಿದರೆ ಅದು ವಾಪಸ್ ಬರುತ್ತೆ. ಇವು ಸಣ್ಣವಿಷಯ ಅನಿಸಬಹುದು ಆದ್ರೆ ಈ ಸೆಕೆಂಡ್ಗಳ ಉಳಿತಾಯ ಇದೆಯಲ್ಲ, ಅದು ದಿನದ ಕೊನೆಯಲ್ಲಿ ನಿನಗೆ ತುಂಬಾ ಸಮಯವನ್ನ ಉಳಿಸಿಕೊಡುತ್ತೆ. ಸಮಯವೇ
ಹಣ ಅಲ್ವಾ?

ಕೀಬೋರ್ಡ್ ಶಾರ್ಟ್‌ ಕಟ್ಸ್ ಬಳಸೋದ್ರಿಂದ ಇನ್ನೊಂದು ದೊಡ್ಡಲಾಭ ಇದೆ, ಅದೇನೆಂದರೆ ನಿನ್ನ ಕೈ ಮತ್ತು ಮಣಿಕಟ್ಟುಗಳ ಆರೋಗ್ಯ. ಪದೇ ಪದೇ ಕೀಬೋರ್ಡ್ ಇಂದ ಮೌಸ್ಗೆ ಕೈ ಬದಲಾಯಿಸುವುದರಿಂದ ದೀರ್ಘ ಕಾಲದಲ್ಲಿ ಕಾರ್ಪಲ್ ಟನಲ್ ಸಿಂಡ್ರೋಮ್ ನಂತಹ ಸಮಸ್ಯೆಗಳು ಬರಬಹುದು. ಪ್ರೊಫೆಷನಲ್ ಕೋಡರ್ ಆಗಿ ನೀನು ಗಂಟೆಗಟ್ಟಲೆ ಕಂಪ್ಯೂ ಟರ್ ಮುಂದೆ ಕೂರಬೇಕಾದ್ರೆ ನಿನ್ನ ದೇಹಕ್ಕೆ ಅತಿ ಕಡಿಮೆ ಶ್ರಮ ಕೊಡೋದು ಬುದ್ಧಿವಂತಿಕೆ. ಕೀಬೋರ್ಡ್ ಮೇಲೆಯೇ ಕೈ ಇಟ್ಟುಕೊಂಡು ಕೆಲಸ ಮಾಡೋದ್ರಿಂದ ನಿನ್ನ ಫೋಕಸ್ ಕೂಡ ಚದುರೋದಿಲ್ಲ. ನೀನು ಯಾವುದಾದರೂ ಇಂಟರ್ವ್ಯೂಗೆ ಹೋದಾಗ ಅಲ್ಲಿ ನಿನಗೆ ಲೈವ್ ಕೋಡಿಂಗ್ ಟೆಸ್ಟ್ ಇರುತ್ತೆ. ಅವಾಗ ನೀನು ಮೌಸ್ ಹಿಡಿದು ಒದ್ದಾಡ್ತಿದ್ರೆ ನಿನ್ನ ಮೇಲೆ ಒಳ್ಳೆ ಇಂಪ್ರೆಷನ್ ಬರಲ್ಲ. ಆದ್ರೆ ನೀನು ಕೀಬೋರ್ಡ್ನಲ್ಲಿ ಮ್ಯಾಜಿಕ್ ತೋರಿಸಿದ್ರೆ ಆ ಎಚ್ ಆರ್ ಗೆ ಇವನು ಬರಿ ಕೋಡರ್ ಅಲ್ಲ, ಇವನು ಒಬ್ಬ ಎಕ್ಸ್ ಪರ್ಟ್ ಅಂತ ತಕ್ಷಣ ಗೊ ತ್ತಾಗಿಬಿಡುತ್ತೆ. ಸ್ಕಿಲ್ ಅಂದ್ರೆ ಬರಿ ಜ್ಞಾನವಲ್ಲ, ಆ ಜ್ಞಾನವನ್ನ ಹೇಗೆ ಪ್ರೆಸೆಂಟ್ ಮಾಡ್ತೀಯಾ ಅನ್ನೋದು ಕೂಡ ಮುಖ್ಯ. ಶಾರ್ಟ್‌
ಕಟ್ಸ್ ಬಳಸೋದು ನಿನ್ನ ಕಾನ್ಫಿಡೆನ್ಸ್ ಲೆವೆಲ್ ಅನ್ನ ಬೇರೆ ಲೆವೆಲ್ ಗೆ ತಗೊಂಡು ಹೋಗುತ್ತೆ.
ಆರಂಭದಲ್ಲಿ ಇವೆಲ್ಲವನ್ನ ನೆನಪಿಟ್ಟುಕೊಳ್ಳೋದು ಕಷ್ಟ ಅನಿಸಬಹುದು. ಆದ್ರೆ, ಇದೂ ಕೂಡ ಸೈಕಲ್ ಕಲಿಯೋ ಹಾಗೆ. ಫಸ್ಟ್ಗೆ ನಮಗೆ ಬ್ಯಾಲೆನ್ಸ್ ಮಾಡೋದು ಕಷ್ಟ ಆಗುತ್ತೆ, ಆದ್ರೆ ಒಮ್ಮೆ ರೂಢಿ ಆದ್ಮೇಲೆ ನಾವು ಕೈ ಬಿಟ್ಟು ಕೂಡ ಸೈಕಲ್ ಓಡಿಸ್ತೀವಿ ಅಲ್ವಾ ?
ಹಾಗೆಯೇ ಇದೂ ಕೂಡ. ಒಂದು ವಾರ ಕಷ್ಟಪಟ್ಟು ಮೌಸ್ ನ ಪಕ್ಕಕ್ಕೆ ಇಟ್ಟು ಕೆಲಸ ಮಾಡು, ಎರಡನೇ ವಾರದಿಂದ ನಿನ್ನ ಕೈ ತಾನಾಗಿಯೇ ಆ ಬಟನ್ ಗಳನ್ನ ಹುಡುಕಿಕೊಂಡು ಹೋಗುತ್ತೆ. ನಿನ್ನ ಬೆರಳುಗಳಿಗೆ ಮೆಮೊರಿ ಪವರ್ ಇರುತ್ತೆ ಅನ್ನೋದು ಮರಿಬೇಡ. ಯಾವಾಗ ನೀನು ಮೌಸ್ ಮುಟ್ಟದೆ ಇಡೀ ದಿನ ಕೋಡಿಂಗ್ ಮಾಡ್ತೀಯೋ ಅವತ್ತು ನೀನು ರಿಯಲ್ ಸಾಫ್ಟ್ವೇರ್ ಎಂಜಿನಿಯರ್ ಆಗಿದ್ದೀಯಾ ಅಂತ ಅರ್ಥ. ಬರಿ ಅಸೈನ್ಮೆಂಟ್ ಮುಗಿಸೋ ಕೆ ಕೋಡಿಂಗ್ ಮಾಡಬೇಡಿ, ಕೋಡಿಂಗ್ ನಲ್ಲಿರೋ ಈ ಸಣ್ಣಪುಟ್ಟ ಮಜಾವನ್ನ ಎಂಜಾಯ್ ಮಾಡಿ. ಕೀಬೋರ್ಡ್ ನಿನ್ನ ಮ್ಯೂಸಿಕಲ್ ಇನ್ಸ್ಟ್ರುಮೆಂಟ್ ತರಹ ಇರಲಿ, ಅದರಲ್ಲಿ ಬರೋ ಟಕ್ ಟಕ್ ಸೌಂಡ್ ನಿನಗೆ ಒಂದು ಒಳ್ಳೆ ರಿದಮ್ ಕೊಡಲಿ. ಈ ಡಾನ್ ಗಿರಿ ನಿನಗೂ ಒಲಿಯಲಿ ಅಂತ ಹಾರೈಸ್ತೀನಿ.
ಕೊನೆಯದಾಗಿ, ಇಂದೇ ಒಂದು ನಿರ್ಧಾ ರ ಮಾಡು. ಅತೀ ಅಗತ್ಯವಿದ್ದಾಗ ಮಾತ್ರ ಮೌಸ್ ಮುಟ್ಟೋದು ಅಂತ ಡಿಸೈ ಡ್ ಮಾಡು.
ಗೂಗಲ್ ನಲ್ಲಿ 'Top keyboard shortcuts for developers' ಅಂತ ಸರ್ಚ್ ಮಾಡಿ ಒಂದು ಪಟ್ಟಿ ಮಾಡಿಕೊ. ನಿನ್ನ ಲ್ಯಾಪ್ಟಾಪ್ ಪಕ್ಕದಲ್ಲಿ ಅದನ್ನ ಅಂಟಿಸಿಕೋ. ನೋಡಿ ನೋಡಿ ಕಲಿಯುತ್ತಾ ಹೋದ್ರೆ ಒಂದೇ ತಿಂಗಳಲ್ಲಿ ನೀನು ನಿನ್ನ ಕಾಲೇಜಿನ
ಹ್ಯಾಕರ್ ಆಗಿಬಿಡ್ತೀಯಾ! ಟೆಕ್ ವೈದ್ಯರ ಈ ಸ್ಟುಡೆಂಟ್ ಸರಣಿ ನಿನಗೆ ಇಂತಹ ಹಲವು ಕ್ವಿಕ್ ಟಿಪ್ಸ್‌ಗಳನ್ನ ತರ್ತಾ ಇರುತ್ತೆ. ಕಾನ್ಫಿಡೆನ್ಸ್ ಇಂದ ಮುನ್ನುಗ್ಗು ಮಗಾ!

ಈ ಲೇಖನಗಳನ್ನೂ ಓದಿ

Tech Vaidya WhatsApp ಚಾನೆಲ್ AI, ಟೆಕ್ ಸುದ್ದಿ, ಸೈಬರ್ ಸುರಕ್ಷತೆ ಮಾಹಿತಿ ಹಾಗೂ ಉಪಯುಕ್ತ ಟೆಕ್ ಟಿಪ್ಸ್ಗಳನ್ನು ಪಡೆಯಲು ನಮ್ಮ WhatsApp ಚಾನೆಲ್ ಸೇರಿ.

ಚಾನೆಲ್ ಸೇರಿ

❤️ಎಐ ಕ್ರಾಂತಿಯಿಂದ ನಮ್ಮ ನೆನಪಿನ ಶಕ್ತಿ ಮಾತ್ರವಲ್ಲ, ಗ್ಯಾಜೆಟ್‌ಗಳ ಮೆಮೊರಿಯೂ ಖಾಲಿಯಾಗುತ್ತಿದೆ!

❤️ಭಾರತದ ಹೊಸ ಡೇಟಾ ಸೆಂಟರ್ ನೀತಿಯಿಂದ ದೇಶಿ ಕ್ಲೌಡ್ ಸ್ಟಾರ್ಟ್ಅಪ್ ಗಳಿಗೆ ಕಾದಿದೆಯಾ ಗಂಡಾಂತರ?

❤️ಟೆಸ್ಲಾ ರೋಬೋಟ್ ಗಳಿಗೆ ಜೀವ ತುಂಬಲಿದ್ದಾರಾ ಈ ಭಾರತೀಯ ಯುವ ವಿಜ್ಞಾನಿ?

❤️Instagram ನಲ್ಲಿ ಡೈರೆಕ್ಟ್ ಮೆಸೇಜ್ ಮಾಡ್ತೀರಾ? ಹಾಗಿದ್ರೆ ಈ ಸ್ಟೋರಿ ಓದಿ!